GORA-GORA FEST KULTUR ZIKLOA

enbat aldiz pentsatu dugu kontatu digutena dela egi bakarra? Zenbat aldiz egin dugu hegan gure hego maiteak astinduz? Zenbat aldiz joan gara begiradak harrapatzera? Ipuinen bitartez begirada desberdin bat emango diegu istorio eta abenture.

DJ Kaktus-ek musika, dantza, umorea eta jolasak eraman nahi ditu leku guztietara. Oraingoan, abesti berriak sartu nahi izan ditu ikuskizun honetan.

Bakarrizketa honetan denok ezagutzen dugun zerbaiti buruz hitz egingo dut: abestiei buruz. Ustekabeko uneetan entzuten direnak, festetan, maitemintzean, agurretan, erresaka dugunean, lagunekin kotxean, sekula ahaztuko ez duzun urtebetetze horretan... edo gogoratu nahi ez duzun beste horretan... Kantuak nonahi daude, eta nik oholtzara aterako ditut! Beraz, inoiz abesti bati zure letra jarri badiozu eta ondoren ero moduan oihukatuz abestu baduzu, melodia batek animoz gaizki egon zarenean lagundu badizu edo mundua bukatuko balitz bezala dantzarazi bazaitu... ikuskizun hau zuretzat da. Festa Fiesta Party Party! hastear dago eta ez dago atzera egiterik!.

Sorgina Txirulinari gehien gustatzen zaizkion gauzak bi dira: musika eta ipuinak. Istorioak zeharkako txirulaz baliatuz kontatzen ditu ipuin kontalari honek. Ipuinen magiaz elkarrekin gozatu ahal izango dugu!.

Errauskine ipuin klasikoaren bertsio musikal dibertigarri eta arduratsua. Oraingoan, Errauskinek badaki planeta garbitzen lagundu behar duela hura salbatzeko. Amaordearen berekoikeriarekin amaitu beharko du, munduko Maitagarri eroenarekin bat egin, bere lagun saguak salbatu, bere eskubideen alde borrokatu, eta hainbeste barre egin, ezen bere printzeak barre-algarengatik ezagutuko baitu, kristala bezain hauskorrak ez direnak

'Gizon batzuek diote jada ez dakitela emakumeak nola tratatu'. Aktoreak interpretatzen duen Pandora pertsonaiak zabalduko du erantzunen kutxa: lekzio magistrala, barregarria eta batzuetan zentzugabea emango du, pertsona horiei zalantza guztiak argitzen laguntzeko. Baliteke gizon batzuek harremanetarako trebetasunen galera sentitzea, Pandorak konpontzen lagunduko duena. “Barre egiteak, ikasteak eta partekatzeak eraldatu egiten gaitu, gure bizitzak aberasten dituzten eta komunitatean hazten laguntzen diguten loturak sortuz.

Kondairak dio Aintzineko Txinan, Kristo aurreko II. mendearen bukaeran, Wu-Ti enperadoreak Wang izeneko bere maitalea galdu zuela heriotzak eramanda. Enperadoreak asko maite zuen eta tristurarik handienean erori zen. Negar eta negar egiten zuen eta egunero bere malko bat lurrera erortzen zen. Gauak eta egunak igarotzen ziren eta ez inork ez ezerk ez zuten Enperadorea pozten. Egun batean, gortean erabaki zuten Wu-Ti Enperadoreari poztasuna itzultzea. Horrela jaiotzen da Itzalen Antzerkia, itzalak maitatutako pertsonak bizitzara bueltatzeko ahalmena dutelarik, kontatutako kondairekin.

Kultura aniztasunaren, berdintasunaren eta tolerantziaren aldeko bidaia. Bi pirata ausartek gidatuko zaituzte inoiz kontatu, abestu eta dantzatu dizuten altxorraren bilaketa zoro eta dibertigarrienera. Bi pirata dibertigarrik Patatapocha pirataren altxorra aurkitu arte mundu osoan zehar izandako aventura eta zoritxarrak kontatuko dizkigute. Kontinenteetako kultura- aniztasuna, ohiturak, hizkuntzak eta istorio asko ezagutuko ditugu. Eta barruan zer egongo da? Urrezko txanponak? Bitxiak eta erlikiak? Ez. Altxor hori askoz aberasgarriagoa eta dibertigarriagoa da, eta guztiok gozatuko dugu. Eva Azpilikueta eta Maitane Perez dira Galtzagorri eta Galtzabeltz piratak.

Ongi etorri magiaren mundu sinestezinera, non ametsak egi bihurtzen diren eta irudimenak ez duen mugarik. Tailer hau 6 eta 12 urte bitarteko haurrentzat diseinatuta dago bereziki, magia-trikimailu harrigarrienen atzean ezkutatzen diren sekretuak ikasi nahi dituztenentzat.