Dirulaguntzak

Euskara ikasteko helduentzako norbanakoen laguntzak

Euskara ikasteko helduentzako laguntzak, 2024 urteko eta 2025eko urteko lehen seihileko ikastaroetarako

Norentzat: Nafarroan erroldatutako 16 urtetik gorako pertsonentzat, euskaltegietan eta gizarte-ekimeneko zentroetan euskara ikasteko.

Salbuespenak:

Hizkuntza eskola ofizialetan, Zubiarte eta Euskarabideko euskaltegietan ari diren ikasleak.
Euskarazko ikastaroak egiten dituzten Nafarroak Gobernuko langileak, berariazko laguntzak dituzte-eta (ikusi azken paragrafoa).

Ikastaro motak: estentsiboak, trinkoak, barnetegiak, autoikaskuntza tutorizatua eta berariazko ikastaroak.

Dirulaguntza horiek bi modalitatetan banatuko dira, ikastaroaren hasiera eta bukaera kontuan hartuta:

A modalitatea: laguntzak emanen dira 2024ko urtarrilaren 1etik abuztuaren 25era bitarte hasten diren ikastaroetarako. Ikastaroak, edonola ere, amaituta egon beharko dira 2024ko irailaren 30ean.
B modalitatea: laguntzak emanen dira 2024ko abuztuaren 26tik abenduaren 2ra bitarte hasten diren ikastaroetarako. Ikastaroak, edonola ere, amaituta egon beharko dira 2025eko ekainaren 30ean.

Ikasleen konpromisoa: ikastaroaren %80ko bertaratzea eduki behar da, gutxienez, laguntza kobratzeko.

Nafarroako Gobernuaren dirulaguntza horri buruzko argibide gehiago izateko eta eskaerak egiteko: sakatu hemen.

Helduen euskalduntzeari buruzko bestelako laguntzei buruz jakin nahi baduzu sakatu hemen

Euskaltegiei buruzko informazioa nahi izanez gero zoaz webgune honetara