HizkuntzakAlbisteak
Mila esker etxeko leihoa zabaltzeagatik
Berezia dator aurtengo Udaltop. Egitaraua prestatzeari ekin genionean online izango zela esan izan baligute, nekez sinetsiko genuen. Baina nola diren gauzak, bizi dugun osasun larrialdira egokitu dugun jardunaldiak inoizko izen-emate handiena izan du. Beraz, mila esker etxeko leihoa zabaltzeagatik.
Udaltop etxetik: ireki leiho bat lan-munduari izenburupean antolatu dugun jardunaldia ostegunean, hilak 14, izango dela gogorarazteko idazten dizuegu. Goizeko 9:30ean hasiko da, eta www.udaltop.eus/zuzenean loturan jarraitzeko aukera izango duzue.
Egitaraua osatzen duten hitzaldiak aurrez grabatu ditugun arren, mahai-ingurua zuzenean izango da eta solaskideei galderak egiteko aukera izango duzue. Horretarako hiru bide jarri ditugu:
• 687 228 640 telefono zenbakia, whatsapp bidezko mezuak jasotzeko, idatzizkoak edota ahozkoak.
• @udaltop twitter kontua, #Udaltop12zuzenean traola erabiliz.
• udaltop@gmail.com posta elektronikoa.
Ostegunera arte, ondo izan.
