Albisteak

Euskarabideak bat egingo du Korrikaren 23. edizioarekin

Nafarroako Gobernuko Memoria eta Bizikidetzako, Kanpo Ekintzako eta Euskarako Departamentuak bi kilometro erosi ditu gaur, osteguna, Irunen hasiko den eta larunbat honetan Iruñetik igaroko den Korrikaren 23. edizioan. Zehazki, 480 kilometroa, Lezkairuko ‘Fuente de la Teja’ parean, martxoaren 16ko 14:33an eta bigarrena 1232. kilometroa, Larraun parean, Oskotz eta Imotz artean, non Korrika martxoaren 19an 10:28an igaroko den.

Memoria eta Bizikidetzako, Kanpo Ekintzako eta Euskarako Departamentua, Euskarabidearen ildo estrategikoen artean, helduak euskalduntzeari laguntzen ari da, ekitaldi hau antolatzen duen AEK bezalako gizarte-ekimeneko erakundeen bitartez. Ana Ollo kontseilari eta bigarren lehendakariordeak Korrikaren antolatzaileak hartu zituen bere egunean eta duela bi aste parte hartu zuen, Javier Arakama Euskarabideako zuzendari gerentearekin batera, Nafarroako Antzerki Eskolan egindako aurkezpen ofizialean. Biek ala biek herri lasterketaren zati honetan parte hartzeko asmoa dute, Nafarroako hiriburuan barrena, non beste erakunde batzuek ere, esaterako Iruñako Udalak eta Nafarroako Parlamentuak, kilometro bat eskuratu duten elkarlanaren erakusgarri sinboliko gisa.

Bi urtez behin ospatzen den eta aurtengo edizioan 43 urte betetzekotan den euskeraren aldeko lasterketa AEK-k antolatu du 'Harro Herri' lelopean eta aurten martxoaren 14tik 24ra bitartean ospatuko da, abiapuntua Irunen eta helmuga Baionan izanik.

---