Albisteak

Berako eta Leitzako institutuetako ikasleak, sarituak izan dira "Arnasetik" euskarazko sormen lehiaketan

Leitzako Amazabal eta Berako Toki Ona institutuetako ikasleek epaimahaiaren onarpena eta publikoaren sari berezia jaso dute “Arnasetik” euskarazko sormen-lehiaketan. Lehiaketa hori Udalerri Euskaldunen Mankomunitateak - UEMAk antolatzen du, Nafarroako Gobernuaren eta Eusko Jaurlaritzaren laguntzarekin.

Lehiaketarako, neska-mutilei proposatu zitzaien “arnasguneak” edo euskera erabilera sozialerako hizkuntza bezala lehenesten duten udalerriak liratekeen haietako ohitura linguistikoen gaineko hausnarketa egitea. Edizio honetan guztira 99 ikus-entzunezko proposamen bildu dira.

1. eta 2. DBHko kategorian, epaimahaiak aldi berean bi lan izendatu zituen garaile, “Ni naiz ni”, Leitzako Amazabal Institutuko ikaslea den “bere egilearen freskotasuna” gatik, Idiazabalgo (Gipuzkoa) Institutuko “Zer dira arnasguneak” proposamenarekin batera.

3. eta 4. DBHko kategorian, Berako Toki Ona Institutuko neska-mutilek elaboratutako Minerva eta Mariloli lanari publikoaren saria eman zaio, 1.000 pertsonatik gora izatean botoa eman diotenak.

Sarituek 500 euroren baliokide bat jasoko dute, Irisarri Land-era joateko sarrerengatik, Durangoko liburu Azokako denda birtualeko materialagatik edo EITB, Goazen! nahiz Irabazi arte! EITBko telesailetako produktuengatik trukatu ahal izanik.

Irailean abian jarri zen Arnasetik sormen lehiaketak joan den astean ospatu zuen sari banaketaren ekitaldia, Amasa-Villabonako Gure Antzokian (Gipuzkoa), Julen Portillo youtuberrak aurkeztutako gala batean eta Sara Alonso abeslariaren emanaldia lagun.

Ikasleriak betetzeko zereginak

Ekitaldiak, zeinek 2019an bere lehenengo edizioa ospatu zuen, hiru kategoria definitu zituen, adinen araberako eskakizun ezberdinekin. Lehen Hezkuntzako 5. eta 6. mailako ikasleen kategorian, ikasleek formatu askean (marrazkia, bertsoa, poema, bideoa, kanta, etab.) islatu behar izan dute Derrigorrezko Bigarren Hezkuntzarako jauzia. Hain zuzen, udalerri hauetako asko herri txikiak dira eta bertako ikasleak ezinbestean mugitu behar izaten dira handiagoak diren udalerrietako ikastetxetara DBH ikastera, bestelako errealitate linguistikoekin topatuz. Kategoria honetan guztira 40 lan aurkeztu dira.

1. eta 2. DBHko kategorian ikasleei eskatu zitzaien bideo tutorial bat sortzea, zeregin horretan erreferentziatzat hartuz Julen Portillo youtuberraren grabaketa bat. Kategoria honetan 52 lan jaso dira.

3. eta 4. DBHko kategorian, gazteei proposatu zaie bideo bat osatzea, protagonistaren galderei emango lizkiekeen erantzunekin. Kategoria honetan 7 lan jaso dira.

Arnasa Gara, entitate ezberdinen arteko lankidetza

Amaiera ekitaldian, Mikel Arregi Euskarabideako zuzendari gerenteak hiru erakundeen arteko lankidetza azpimarratu du: “Baterako-lanarekin aurrera egingo dugu arnasguneek gizartean orokorrean duten garrantzia sozializatuko bada”. Ildo horretatik, eskertu nahi izan du UEMAk eginiko lana: «Eskerrik asko zuen lanagatik, eskerrik asko Nafarroako udal euskaldunetarako erreferentzia bat izateagatik, eta udalerri hauen balioa bistaratzen laguntzeagatik».

Gainera UEMA Udalerri Euskaldunen Mankomunitateko Iraitz Lazkano lehendakariak, 2019tik egundaino eginiko ibilbidea berrikusi du. Ibilbide hau, esan du, “emankorra” izaten ari da eta hala jarraituko da izaten ondorengo urtetan.

---