Albisteak

Europako Kontseiluaren Adituen Batzordeak laugarrenez aztertu du zenbateraino betetzen duten Espainiako Gobernuak eta autonomia erkidegoek Erregioetako edo Gutxiengoen Hizkuntzen Europako Gutuna. Urtarrilaren 21ean argitaratu zen azterketa horri dagokion ebaluazio-txostena, eta, txostenarekin batera, gomendioak ere plazaratu ziren; gomendiook urtarrilaren 20an onetsi zituen Europako Kontseiluaren Ministroen Batzordeak.