Albisteak

Dirulaguntzen 4 deialdi argitaratu dira

Irabazi-asmorik gabeko gizarte erakundeendako laguntzak euskara sustatzeko 2022

Norentzat: Irabazi-asmorik gabeko elkarteentzat, Nafarroan euskarari buruz sentsibilizatzeko eta euskararen erabilera sustatzeko eta errazteko programa eta jarduerak finantzatzeko.

Bideratu den aurrekontua gehienez ere 415.000 eurokoa da.

Idatzizko prentsarako, irratietarako eta online hedabideetan euskararen erabilera sustatzeko laguntzak 2022

Norentzat: Nafarroan zabaltzen den hedabide bateko titular diren pertsona fisiko edo juridikoentzat.

• Euskararen presentzia sustatzeko laguntzak berraktibatzeko planaren zenbatekoa 971.000 eurokoa da gehienez, eta ingurune digitalizazio prozesuetarako, berriz, 46.500 eurokoa gehienez.

  Modalitateak:

  1. Eguneroko prentsa (egunkariak) euskara hutsean: 115.000 €-ko modalitatea.
  2. Eguneroko prentsa (egunkariak), euskara erabiltzen duena: 60.000 €-ko modalitatea.
  3. Euskara hutsezko aldizkariak, Nafarroan zabalduak: 300.000 €-ko modalitatea.
  4. Euskara erabiltzen duten aldizkariak, eremu linguistiko misto eta/edo ez-euskaldunetan zabalduta: 60.000 €-ko modalitatea.
  5. Euskara hutsezko irrati-igorleak: 300.000 €-ko modalitatea.
  6. Eremu mistoko, ez-euskalduneko edo bietako irrati-igorleak, euskara erabiltzen dutenak: 20.000 €-ko modalitatea.
  7. Euskarazko komunikabideak edo euskara erabiltzen dutenak, Nafarroan hedatuta dagoen beste hedabideren baten online euskarria direnak: 50.000 €-ko modalitatea.
  8. Euskara hutsezko online komunikabideak: 60.000 €-ko modalitatea.
  9. Euskara erabiltzen duten online hutsezko komunikabideak: 6.000 €-ko modalitatea.
  10. Digitalizazio-prozesuetan inbertsioak egiten dituzten komunikabideak: 46.500 euroko modalitatea.

Nafarroako Foru Komunitatean 2022an euskararen erabilera eta presentzia eremu sozioekonomikoan sustatzeko laguntzak

Norentzat: Nafarroan kokaturik dauden lantokien jabe edo kudeatzaile diren Europar Batasuneko edozein estatutako pertsona fisiko zein juridiko pribatuentzat.

Bideratu den aurrekontua gehienez ere 220.000 eurokoa da.

Modalitateak:

• 1. modalitatea: lehenengo euskara plana egitea. 34.000 euro.
• 2. modalitatea: Euskara Planaren kudeaketa 2021ean, aurretik egindako Euskara Planari lotua. 166.000 euro.
• 3. modalitatea: ekintza edo jarduera zehatzak, Euskara plan bati lotu gabe. 10.000 euro.
• 4. modalitatea: Hauetara bideratutako inbertsioak:
  1. Komunikazioaren teknologien esparruan euskara sustatzeko eta/edo zabaltzeko webguneak eta software-aplikazioak euskaraz sortzea
  2. Lehendik dauden webguneen eta aplikazioen bilakaera, aldaketak, hobekuntzak: zerbitzu, funtzionaltasun eta eduki berriak ematea; diseinua edo irisgarritasuna hobetzea, gailu mugikorretan erabiltzeko egokitzea.
  3. Webguneak eta software-aplikazioak euskaratzeko lanak. 12.000 euro.

Udal eremuan euskara erabiltzeko eta sustatzeko 2022. urteko dirulaguntzak

Norentzat: 2021eko urriaren 1etik 2022ko irailaren 30era bitartean euskararen erabilera eta sustapena bultzatzeko programak onesten eta garatzen dituzten toki entitateentzat.

• Bideratu den aurrekontua 875.000 eurokoa da.

• Tipologiak:

  o A mota: toki entitate eskatzailearen eskumeneko eremuan egindako programak. Mota honetarako aurrekontuko diru hornidura 400.000 eurokoa da.

  o B mota: zenbait toki entitatek batera eginiko programak. Mota honetarako aurrekontuko diru hornidura 275.000 eurokoa da.

  o C mota: euskara zerbitzu tekniko berriak sortzea eta egonkortzea, langileen prestakuntzarako laguntzak ordezkatzean, hizkuntza paisaia elebiduntzeko programa integralak eta ikerlan soziolinguistikoak eta hizkuntza-plangintza hausnarketa eta parte hartze prozesuak. Mota honetarako aurrekontuko diru hornidura 200.000 eurokoa da.

---